پاکستان آئی ایم ایف سے نیا پروگرام لینے کیلئے تیارہے ، 24 فروری کو آئی ایم ایف کا نیا وفد پاکستان پہنچے گا۔
ذرائع وزارت خزانہ کے مطابق آئی ایم ایف پاکستان سے موسمیاتی لچک فنڈ کے تحت 26ویں پروگرام کیلئے مذاکرات کرے گا،آئی ایم ایف پاکستان سے موسمیاتی لچک فنڈ پر مذاکرات کیلئے رضامند ہوگیا، پاکستان کو مذاکرات میں کامیابی پر موسمیاتی لچک فنڈ سے 1 ارب ڈالر سے زائد حاصل ہوگا۔
ذرائع کے مطابق آئی ایم ایف وفد پاکستان میں ایک ہفتہ قیام کرے گا، پاکستان کے لیے آئی ایم ایف کا یہ پہلا موسمیاتی پروگرام ہوگا، بنگلہ دیش اس فنڈ سے پہلے ہی مستفید ہو چکا ہے، پاکستان کے جاری ای ایف ایف پروگرام کے لیے آئی ایم ایف کا الگ مشن آئے گا۔
ذرائع وزارت خزانہ کا بتانا ہےکہ آئی ایم ایف کا دوسرا وفد 4 مارچ کو پاکستان پہنچنے کا امکان ہے ، ای ایف ایف پروگرام پر مذاکرات 4 سے 14 مارچ تک جاری رہنے کی توقع ہے۔
By 
