ہیکرز کی جانب سے مختلف براؤزر ایکسٹینشنز پر سائبر حملوں کا انکشاف ہوا ہے، نیشنل ٹیلی کمیونیکیشن اینڈ انفارمیشن ٹیکنالوجی سیکیورٹی بورڈ نے ایڈوائزری جاری کردی۔
ایڈوائزری میں کہا گیا ہے کہ ہیکرز کی جانب سے 16 عام براوزر ایکسٹینشنز کو ہیک کیا گیا ہے، آرٹیفیشل انٹیلی جنس ٹولز اور وی پی این ایکسٹینشنز ہیکرز کا نشانہ بن رہی ہیں۔
چیٹ جی پی ٹی، Gemini، چیٹ جی پی ٹی فور، بارڈ اے آئی ایکسٹینشنز شامل ہیں، ایڈوائزری، وی پی این سٹی، انٹرنیکسٹ وی پی این، فلیکس ویڈیو ریکاڈر اور دیگر ایکسٹینشنز بھی شامل ہیں۔
بل مارکنگ، وائس سروسز، ریڈنگ موڈز اور آٹومیشن ٹولز سے متعلقہ ایکسٹینشنز خطرے کی زد میں ہیں، ایڈوائزری میں کہا گیا ہے کہ صارفین صرف قابل اعتماد ایکسٹینشنز انسٹال اور استعمال کریں۔
صارفین ایکسٹینشنز انسٹال کرنے سے پہلے ان کے اختیارات اور ریٹنگز کا بغور جائزہ لیں اور متاثر ایکسٹینشنز استعمال کرنے سے گریز کریں اور معروف متبادل تلاش کریں۔
صارفین سیکیورٹی خظرات کو کم کرنے کیلئے ایکسٹینشنز کی اجازتوں کو محدود کریں، صارفین ایکسٹینشنز کی باقاعدگی سے اپ ڈیٹ رکھیں اور غیر ضروری ایکسٹینشنز ہٹا دیں۔
صارفین مستند اور لائسنس یافتہ انٹی وائرس انسٹال کریں، این ٹی آئی ایس بی نے صارفین کو مفت ایکسٹینشنز انسٹال کرتے وقت احتیاط برتنے کی تجویز دی ہے۔
By 
