وزیر خزانہ محمد اورنگزیب کا ٹیکس دہندگان پر اضافی بوجھ نہ ڈالنے کا فیصلہ

وزیر خزانہ محمد اورنگزیب نے ٹیکس دہندگان پر اضافی بوجھ نہ ڈالنے کا فیصلہ کیا ہے۔

غیر ملکی میڈیا سے بات کرتے ہوئے وزیرخزانہ کا کہنا تھا کہ ٹیکس دہندگان پر اضافی بوجھ ڈالے بغیر سالانہ ریونیو ہدف پورا کیا جائے گا۔

انہوں نے کہا کہ ٹیکس ریونیو درست سمت کی جانب گامزن ہے، آنے والے  تین سے پانچ سال کے دوران برآمدات  30 ارب سے بڑھا کر 60 ارب تک لے کر جانا چاہتے ہیں۔

آئی ایف سی کا آئندہ دس سالوں تک پاکستان میں سالانہ 2 ارب ڈالر سرمایہ کاری کا اعلان

اس موقع پر وزیرخزانہ نے چینی مارکیٹ میں پانڈا بانڈ جلد جاری کرنے کا عندیہ بھی دیا، ان کا کہنا تھا کہ حکومت نے مہنگائی اورشرح سود میں کمی کیلیے اہم اقدامات کئے۔

زرمبادلہ کے ذخائر کو حکومت نے مستحکم کیا، ان کا کہنا تھا کہ حکومتی اخراجات میں کمی کرکے عوامی فلاح وبہبود کوترجیح دے رہے ہیں۔