سوموار سے مزید بارشوں اور برفباری کا امکان

محکمہ موسمیات نے سوموار سے ملک بھر میں بارشوں اور بعض علاقوں میں برفباری کی پیش گوئی کر دی۔

محکمہ موسمیات کے مطابق 24 فروری سے مغربی ہواؤں کا ایک نیا سسٹم ملک میں داخل ہوگا جس کے باعث پنجاب، خیبر پختونخوا، اسلام آباد اور گلگت بلتستان میں شدید بارشوں اور برفباری کی توقع ہے۔

مزید پڑھیں: آزاد کشمیر میں زلزلے کے جھٹکے محسوس کیے گئے

اس کے علاوہ کشمیر میں 25 فروری سے 2 مارچ تک شدید بارشوں اور برفباری کا امکان ہے جبکہ بلوچستان میں 24 فروری سے 26 فروری تک بارش اور برفباری ہونے کی پیش گوئی کی گئی ہے۔

سندھ میں 25 سے 26 فروری کے دوران ہلکی بارش ہو سکتی ہے۔ بارش اور برفباری سے مری، گلیات، ناران، کاغان اور دیگر پہاڑی علاقوں میں سڑکیں بند ہونے اور پھسلن کا خطرہ بھی ظاہر کیا گیا ہے۔