28 فروری کو رمضان کا چاند دکھائی دینے کے کتنے امکانات ہیں؟

پاکستان سمیت دنیا بھر کے مسلمان رمضان المبارک کے مہینے کے چاند کی تلاش میں بے تاب ہیں۔

ماہرین فلکیات کے مطابق رمضان کا چاند 28 فروری 2025 کو شام 5:45 پر پیدا ہوگا تاہم اس کے افق پر نظر آنے کے امکانات انتہائی کم ہیں۔

مزید پڑھیں: کل کن علاقوں میں موسلادھار بارش ہو گی؟ محکمہ موسمیات نے انتباہ بھی جاری کر دیا

سپارکو کے ترجمان کے مطابق 28فروری کو غروب آفتاب کے وقت چاند کی عمر صرف 12 گھنٹے اور بلندی 5 ڈگری ہوگی، جس کی وجہ سے چاند کا انسانی آنکھ سے نظر آنا تقریباً ناممکن ہے۔

رویت ہلال کمیٹی کا اہم اجلاس 28 فروری کو منعقد ہوگا، جہاں چاند کی رویت کے حوالے سے حتمی فیصلہ کیا جائے گا۔ سپارکو کے پیش گوئی کے مطابق پاکستان میں رمضان المبارک کا آغاز 2 مارچ 2025 سے ہونے کا امکان ہے لیکن اس کی حتمی تصدیق رویت ہلال کمیٹی کے فیصلے پر منحصر ہوگی۔