یکم رمضان کو زکوٰۃ کٹوتی کیلئے بینکوں اور مالیاتی اداروں کو بند رکھنے کا اعلان

اسٹیٹ بینک آف پاکستان نے یکم رمضان کو زکوٰۃ کی کٹوتی کے لیے تمام بینکوں اور مالیاتی اداروں کو بند رکھنے کا اعلان کر دیا۔

اسٹیٹ بینک آف پاکستان کی جانب سے باضابطہ نوٹیفکیشن جاری کیے جانےکا امکان ہے۔ تاہم بینک ملازمین کو معمول کے مطابق اپنے فرائض انجام دینے اور سرکاری ڈیوٹی پر رپورٹ کرنے کی ضرورت ہوگی البتہ عوامی لین دین کی سہولت دستیاب نہیں ہوگی۔

مزید پڑھیں: پاکستان میں پہلا روزہ اتوار کو ہونے کا قوی امکان ہے، رویت ہلال ریسرچ کونسل

رمضان المبارک کا مقدس مہینہ پاکستان میں 2 مارچ 2025 کو شروع ہونے کا امکان ہے جبکہ یکم مارچ کی شام کو ہلالِ رمضان نظر آنے کی توقع ہے۔ اسپیس اینڈ اپر ایٹموسفیئر ریسرچ کمیشن (سپارکو) کے مطابق نیا چاند 28 فروری کو پاکستان کے معیاری وقت کے مطابق شام 5 بج کر 45 منٹ پر نمودار ہوگا۔

زکوٰۃ کی کٹوتی کو منظم اور آسان بنانے کے لیے رمضان کے پہلے دن بینکوں کی تعطیل کا یہ عمل سالہا سال سے جاری ہے، جو ملک کے بینکاری قوانین کے تحت لازمی ہے۔