ایس آئی ایف سی کی معاونت سے پاکستان اور یو اے ای کے درمیان دوطرفہ تجارتی معاہدات طے

ایس آئی ایف سی ملک کی معاشی صورتحال کی بہتری کے لیے مختلف ممالک کے ساتھ سرمایہ کاری کے لیے راہیں ہموار کرنے میں کوشاں اوراسی سلسلے میں پاکستان اور متحدہ عرب امارات کے مابین مفاہمتی یادداشتوں پر دستخط ، دوطرفہ تعاون کو فروغ دینے پر اتفاق کیا گیا ہے۔

تفصیلات کے مطابق اسپیشل انویسٹمنٹ فیسیلیٹیشن کونسل کی کوششوں اور معاونت سے متحدہ عرب امارات کی جانب سے بینکاری، کان کنی، ریلویز اور انفراسٹرکچر سمیت مختلف شعبوں میں پاکستان میں سرمایہ کاری کے لیے دلچسپی کا اظہار کیا گیا ہے۔
ایس آئی ایف سی کی کاوشوں سے پاکستان ریلویز اور متحدہ عرب امارات کی اتحاد ریل کے درمیان اہم معاہدہ طے پایا ہے جس سے ریلوے نیٹ ورک کی بہتری متوقع ہے۔

متحدہ عرب امارات کے ساتھ اقتصادی تعلقات میں بہتری کے ذریعے ملک معاشی استحکام کی جانب گامزن ہے۔ ان تمام اقدامات کی بدولت پاکستان کی اقتصادی ترقی، سرمایہ کاری میں اضافہ اور بنیادی ڈھانچے میں بہتری ہوگی۔

پاکستان اور متحدہ عرب امارات کی اسٹریٹجک شراکت داری تجارت، سرمایہ کاری اور توانائی کے شعبے میں تعاون بڑھائے گی، ایس آئی ایف سی کی معاونت سے متحدہ عرب امارات کے ساتھ اقتصادی تعلقات کی مضبوطی ملک کی معیشت کو مستحکم کرنے میں اہم کردار ادا کرے گی۔