موٹروے پر تیزرفتاری پرپہلا مقدمہ درج، ڈرائیور گرفتار

ترجمان موٹر وے پولیس نے کہا ہے کہ تیز رفتاری پر پہلا مقدمہ درج کر کے ڈرائیور کو گرفتار کر لیا گیا ہے۔

ترجمان کے مطابق موٹروے پر تیز رفتاری پر پہلی ایف آئی آر درج کر لی گئی ہے اور ڈرائیور گرفتار کر لیا گیا ہے۔ ترجمان نے بتایا کہ تیز رفتاری کا واقعہ ملتان کے قریب موٹروے پر پیش آیا، ایم 4 موٹروے پر گاڑی 173 کلومیٹر فی گھنٹہ کی غیرقانونی رفتار پر جارہی تھی۔

مزید پڑھیں: بھارتی شہریوں کی امریکہ سے بے دخلی، مودی سرکار نے بے یار و مددگار چھوڑ دیا

تھانہ بدھلہ سنت ملتان میں غفلت اور تیزرفتار ڈرائیونگ کی دفعات کے تحت مقدمہ درج کیا گیا ہے۔  ڈرائیور رحیم خان کو حراست میں لے کر مقامی پولیس کے حوالے کر دیا گیا۔