محکمہ موسمیات نے کہیں بارش اور کہیں برفباری کی پیشنگوئی کردی۔
محکمہ موسمیات کے مطابق جمعہ کے روز گلگت بلتستان میں موسم سرد اور جزوی طور پر ابر آلود رہنے کا امکان ہے۔ محکمہ موسمیات کا کہنا ہے کہ گلگت بلتستان کے بعض علاقوں میں ہلکی بارش اور ہلکی برفباری بھی ہو سکتی ہے، جس سے موسم مزید سرد ہو جائے گا۔
اسلام آباد اور اس کے گرد و نواح میں موسم سرد اور خشک رہنے کا امکان ہے۔ موسم کی اس تبدیلی کے باعث شہریوں کو سردی کی شدت کا سامنا ہو سکتا ہے۔ پنجاب کے بیشتر اضلاع میں بھی موسم خشک رہنے کی پیش گوئی کی گئی ہے، تاہم مری، گلیات اور ان کے گرد و نواح میں موسم سرد اور جزوی طور پر ابر آلود رہنے کا امکان ہے۔
خیبرپختونخوا کے بیشتر اضلاع میں موسم خشک رہے گا لیکن شمالی اضلاع میں صبح اور رات کے اوقات میں سردی کی شدت میں اضافہ ہو سکتا ہے۔ اسی طرح بلوچستان کے بیشتر اضلاع میں موسم خشک رہے گا لیکن شمالی اضلاع میں سردی میں اضافہ اور تیز ہواؤں کا امکان ہے۔
سندھ کے بیشتر اضلاع میں موسم خشک رہے گا اور اس دوران تیز ہوائیں چلنے کی پیش گوئی کی گئی ہے۔ کشمیر میں موسم سرد اور خشک رہنے کا امکان ہے تاہم گلگت بلتستان میں سرد موسم کے ساتھ بارش یا برفباری کی توقع کی جا رہی ہے۔
آج کے دن کے لیے کم سے کم درجہ حرارت کا ریکارڈ بھی جاری کیا گیا ہے۔ لہیہ میں درجہ حرارت منفی 13، استور میں منفی 06، کالام میں منفی 04، گوپس اور ہنزہ میں منفی 03 ڈگری سینٹی گریڈ ریکارڈ کیا گیا۔ یہ درجہ حرارت سردی کی شدت کو ظاہر کرتا ہے اور عوام کو احتیاطی تدابیر اپنانے کی ضرورت ہے۔
By 
