خصوصی اقتصادی زونز کےذریعے صنعتی شعبے کی ترقی میں ایس آئی ایف سی کا کلیدی کردار

خصوصی سرمایہ کاری سہولت کونسل (ایس آئی ایف سی) کے تعاون سے ملکی معیشت کے استحکام کے لیے صنعتی شعبے کو مستحکم کرنا حکومت کی اولین ترجیحات میں شامل ہے۔

تفصیلات کے مطابق خصوصی سرمایہ کاری سہولت کونسل (ایس آئی ایف سی) کی معاونت اور کاوشوں سے بورڈ آف انویسٹمنٹ اور متحدہ عرب امارات کے انٹرنیشنل فری زونز اتھارٹی کے درمیان موجودہ خصوصی اقتصادی زونز میں سرمایہ کاری کے لیے مفاہمتی یادداشت پر دستخط ہوئے ہیں۔

متحدہ عرب امارات کی جانب سے خطے میں سرمایہ کاری کے لیے پاکستان کی اہمیت تسلیم کرتے ہو ئےاقتصادی استحکام کی تعریف کی گئی اور خصوصی اقتصادی زونز کی صلاحیت سے استفادہ حاصل کرنے اور سرمایہ کاری میں اضافے کے لیے جدید اور موزوں طریقہ کار کے تحت قومی فریم ورک تیار کرنے پر زور دیا گیا۔

خصوصی اقتصادی زونز کی بدولت برآمدات میں اضافہ، تجارتی خسارے میں کمی اور اقتصادی ترقی متوقع ہے اوراس
فریم ورک کا اہم مقصد خصوصی اقتصادی زونز کی ترقی وتوسیع کے لیے یکساں پالیسیوں، ضوابط اور ترغیبات کو یقینی بنانا ہے ۔

خصوصی اقتصادی زونز میں سرمایہ کاروں کو مکمل معاونت فراہم کرنے کے لیے کاروباری سہولت مراکز کا قیام ایک خوش آ ئند عمل قرار دیا گیا ہے۔ ایس آئی ایف سی کی معاونت سے کارپوریٹ ماڈلز کے ذریعے کارکردگی اور احتساب کو بہتر بنا کر حکومت صنعتی شعبے کے فروغ لیے کوشاں ہے ۔

خصوصی اقتصادی زونز ایکٹ کے مطابق زمین کی قیمتوں کے لیےآسان قسطوں کے ذریعے ادائیگی کے مؤثر اختیارات دینا بھی اہم پیشرفت ہے ۔ ایس آئی ایف سی کے تعاون سے حکومتی سطح پر صنعتی شعبے میں سرمایہ کاری کے فروغ اور ترقی کے لیےیہ تمام اہم اقدامات قابل ستا ئش ہیں۔