بنگلہ دیشی کرکٹر مشفیق الرحیم نے ون ڈے کرکٹ سے ریٹائرمنٹ کا اعلان کر دیا

بنگلہ دیش کےوکٹ کیپر بیٹر مشفیق الرحیم نے ون ڈے کرکٹ سے ریٹائرمنٹ کا اعلان کر دیا۔

تفصیلات کے مطابق سوشل میڈیا پراپنے پیغام میں مشفیق الرحیم نے کہا کہ پاکستان کی میزبانی میں ہونے والی آئی سی سی مینز چیمپیئنز ٹرافی 2025 میں ٹیم کے بغیر کسی جیت کے باہر ہونے کے بعد چند ہفتے میرے لئے انتہائی مشکل رہے۔

یہ بھی پڑھیں:سلمان علی آغا کو ٹی ٹوئنٹی کا کپتان بنانے پر احمد شہزاد کی شدید تنقید

اس لئے ایک روزہ کرکٹ سے ریٹائرمنٹ لینے کا فیصلہ کیا ہے ۔ ان کا اپنے پیغام میں مزید کہنا تھا کہ ہماری بین الاقوامی سطح پر کامیابیاں محدود رہی ہیں لیکن جب بھی اپنے ملککے لئے میں میدان میں اترا، پوری ایمانداری اور لگن کیساتھ سو فیصد سے بھی زیادہ اپنا رزلٹ دینے کی کوشش کی۔

یہ بھی پڑھیں:آئی سی سی چیمپیئنز ٹرافی کے فائنل مقابلے کیلئے میچ آفیشلز کا اعلان کر دیا گیا

بنگلہ دیش کے وکٹ کیپر بلے باز نے 2005 میں انٹرنیشنل کرکٹ میں قدم رکھا، ان کی ون ڈے اننگز کاآغاز 2006 سےہوا ۔ وہ اپنے ملک کی طرف سے 274 میچز کھیل رکھے ہیں، جن میں انہوں نے 7795 رنز بنائے، ان رنز میں ان کی 9 سنچریاں اور 49 نصف سنچریاںبھی شامل ہیں۔