جعفر ایکسپریس حملہ: سیکیورٹی فورسز نے 190 مسافروں کو بازیاب، 30 دہشتگردوں کو ہلاک کر دیا

سیکیورٹی فورسز نے مؤثر کارروائی کرتے ہوئے بلوچستان میں جعفر ایکسپریس کے دہشتگردوں کے ہاتھوں یرغمال 190 مسافروں کو بحفاظت بازیاب اور 30 دہشتگردوں کو ہلاک کر دیا ہے۔

یہ بھی پڑھیں:جعفر ایکسپریس حملہ، سیکیورٹی فورسز نے 104 یرغمالیوں کو رہا کرالیا، 16دہشتگرد ہلاک

بدھ کو سیکیورٹی ذرائع کے مطابق سیکیورٹی فورسز نے دہشتگردوں کے خلاف کامیاب آپریشن کرتے ہوئے اب تک 190 مسافروں کو دہشتگردوں  سے باحفاظت بازیاب کروا لیا  ہے جبکہ اس کارروائی کے دوران اب تک 30 دہشتگردوں کوہلاک کیا جا چکا ہے۔

سیکیورٹی ذرائع کے مطابق جعفر ایکسپریس پر بزدلانہ حملے کے دہشتگرد، افغانستان میں اپنے سہولت کاروں سے رابطے میں ہیں،  دہشتگردوں نے خود کش بمبار دہشتگردوں کو کچھ معصوم یرغمالی مسافروں کے  بالکل پاس بیٹھایا ہوا ہے۔

سیکیورٹی ذرائع کا کہنا ہے کہ خود کش بمباردہشتگرد خود کش جیکٹیں پہنے ھوئے ہیں، ممکنہ شکست کے پیش نظر دہشتگرد خود کش بمبار معصوم لوگوں کو ڈھال کے طور پر استعمال کر رہے ہیں، باقی ماندا دہشتگردوں کے خاتمے کے لیے سیکیورٹی فورسز کا آپریشن جاری ہے۔