پی ٹی آئی نے کل پاک فوج سے اظہاریکجہتی کیلئے لاہورمیں ریلی نکالنے کا اعلان کر دیا

پاکستان تحریک انصاف نے پاک فوج کے جوانوں اور شہدائے جعفر ایکسپریس سے اظہار یکجہتی کے لیے لاہور میں ریلی نکالنے کا اعلان کردیا۔

نجی ٹی وی کے مطابق نائب صدر پی ٹی آئی پنجاب اکمل خان باری نے اپنے پیغام میں کہا کہ جعفر ایکسپریس پر حملہ بزدلانہ اور ظلم کی انتہا ہے جس کی جتنی بھی مذمت کی جائے کم ہے ، یہ حملہ پاکستان پر ہے جس کو ہم کبھی نہیں بھو ل پائیں گے ۔

یہ بھی پڑھیں:جعفر ایکسپریس واقعہ : پی ٹی آئی کے سوشل میڈیا اکائونٹس سے منفی پراپیگنڈا کیا گیا، خواجہ آصف

اکمل خان باری نے کہا کہ شہداءجعفر ایکسپریس سے اظہار یکجہتی کیلئے کل بروز منگل 18مارچ جی پی او چوک سے پنجاب اسمبلی تک پُرامن ریلی نکالیں گے۔ انہوں نے مزید کہا کہ پنجاب حکومت سے درخواست کرتے ہیں کہ کوئی خلل نہ ڈالے، یہ ریلی شہداءسے اظہار یکجہتی کیلئے ہوگی۔

یہ بھی پڑھیں:بانی چیئرمین پی ٹی آئی عمران خان نے اسلام آباد ہائیکورٹ میں 3 ججز کا تبادلہ چیلنج کردیا

جس میں سانحہ جعفر ایکسپریس میں شہید ہو نیوالوں اور پاک فوج کے بہادر فوجیوں کے ساتھ بھرپور اظہار یکجہتی کیا جائے گا، ریلی میں پی ٹی آئی کارکنان، وکلا ء اورسول سوسائٹی کے لوگ بڑی تعداد میں شرکت یقینی بنائیں گے ۔