وفاقی بیوروکریسی میں اعلیٰ سطح پر تقرر و تبادلوں کے نوٹیفکیشن جاری

وفاقی بیوروکریسی میں اعلیٰ سطح پر تقرر و تبادلوں کے نوٹیفکیشن جاری کر دیے گئے۔

وزیراعظم شہباز شریف کے پرنسپل سیکرٹری اسد رحمان گیلانی کو عہدے سے ہٹا دیا گیا۔ ایڈمنسٹریٹو سروس گریڈ 21 کے اسد رحمان گیلانی کی بطور سیکرٹری وزارت قومی ورثہ تعیناتی کر دی گئی۔

مزید پڑھیں: سرکاری ملازمین کی تنخواہوں اور پنشن میں اضافے سے متعلق وزیر خزانہ کے اعلان کی تردید آگئی

گریڈ 22 کے سیکرٹری وزارت قومی ورثہ حسن ناصر جامی کو بھی عہدے سے ہٹا دیا گیا۔ حسن ناصر جامی کو اسٹیبلشمنٹ ڈویژن میں او ایس ڈی تعینات کردیا گیا۔

اسٹیبلشمنٹ ڈویژن نے تقرر و تبادلوں کے باضابطہ نوٹیفکیشن جاری کر دئیے۔