پاکستان تحریک انصاف (پی ٹی آئی ) کے بانی چیئرمین عمران خان کی بہن علیمہ خان سمیت پی ٹی آئی کے 17 اراکین کو سوشل میڈیا پر منفی پروپیگنڈے کرنے پر ایک بار پھر جوائنٹ انوسٹی ٹیم(جے آئی ٹی) نے طلب کر لیا ہے۔
ذرائع کے مطابق جے آئی ٹی نے علیمہ خان سمیت 17 پی ٹی آئی اراکین کو 21 مارچ کو پیش ہونے کا حکم دیا ہے، جن افراد کو نوٹس جاری کیے گئے ہیں ان میں سید فردوس شمیم نقوی، محمد خالد خورشید خان، میاں محمد اسلم اقبال، محمد حماد اظہراورعون عباس شامل ہیں۔
اسی طرح جے آئی ٹی نے محمد شہباز شبیر، وقاص اکرم، تیمور سلیم خان، صبغت اللہ ورک، اظہر مشوانی اور محمد نعمان افضل کو بھی طلبی کے نوٹس جاری کیے ہیں، جبران الیاس، سلمان رضا، زلفی بخاری، موسیٰ ورک اور علی ملک کو بھی نوٹسز جاری کیے گئے ہیں۔
واضح رہے کہ عمران خان کی بہن علیمہ خان 19 مارچ کو بھی ’جے آئی ٹی‘ کے سامنے پیش ہوچکی ہیں، جے آئی ٹی ان افراد سے سوشل میڈیا پر منفی پروپیگنڈا کے حوالے سے تحقیقات کر رہی ہے، جے آئی ٹی الیکٹرانک جرائم کی روک تھام کے ایکٹ 2016 کی سیکشن کے تحت تشکیل دی گئی ہے، وفاقی حکومت کی قائم کردہ جے آئی ٹی کی سربراہی اسلام آباد پولیس کے آئی جی کر رہے ہیں۔
By 
