شمسی توانائی کے حوالے سے حکو متی پالیسی اور ترجیحات میں کوئی تبدیلی نہیں آئی:وزیر اعظم شہباز شریف

وزیراعظم میاں محمد شہباز شریف نے کہا ہے کہ شمسی توانائی کے حوالے سے حکو متی پالیسی اور ترجیحات میں کوئی تبدیلی نہیں آئی۔

تفصیلات کے مطا بق وزیراعظم شہباز شریف نے پاور ڈویژن کے امور پر جائزہ اجلاس میں گفتگو کے دوران کہا کہ بجلی کی قیمتوں میں کمی کے حوالے سے ایک جامع اور مؤثر حکمت عملی کے تحت پیکج تیار کیا جا رہا ہے جس کا اعلان جلد از جلد کر دیا جائے گا۔

یہ بھی پڑھیں:وزیراعظم شہباز شریف ، وزیر داخلہ اور دیگر کے خلاف اندراج مقدمہ کی درخواست خارج: عدالت نےمحفوظ فیصلہ سنادیا

ان کا کہنا تھاکہ پاور سیکٹر میں اصلاحات لا کر عوام کو بجلی کے نرخوں میں مزید ریلیف فراہم کریں گے ۔شہباز شریف کا اجلاس میں یہ بھی کہنا تھا کہ قابلِ تجدید توانائی کا فروغ حکومت کی ترجیحات میں شامل ہے۔

یہ بھی پڑھیں:پاکستان کو حقیقی اسلامی فلاحی ریاست میں تبدیل کرنے کیلئے اجتماعی کوششوں کی ضرورت ہے : حمزہ شہباز

اجلاس میں پرائم منسٹر نے حکام کو سولرآئزیشن پالیسی سے متعلق عوام میں پائے جانے والے ابہام کو حقائق اور اعداد و شمار کی بنیاد پر دور کرنے اور بجلی تقسیم کار کمپنیوں کی نجکاری کا عمل تیز تر کرنے کا حکم دیدیا۔