پارلیمنٹ تحلیل ، کینیڈا کے نومنتخب وزیرِاعظم کا ملک میں قبل از وقت انتخابات کا اعلان

کینیڈا کے نو منتخب وزیراعظم مارک کارنے نے پارلیمنٹ تحلیل کر دی۔

خبرایجنسی کے مطابق مارک کارنے نے قبل ازوقت انتخابات 28 اپریل کو کرانے کا اعلان کر دیا، کینیڈا میں شیڈول کے مطابق انتخابات 20 اکتوبر کو ہونے تھے۔

وزیر اعظم مارک کارنے نے کہا کہ کینیڈا کو محفوظ بنانے کیلئے ابھی بہت کچھ کرنا ہے، امریکا کے ساتھ تجارتی جنگ سب سے اہم خطرات میں سے ایک ہے۔

خبر ایجنسی نے مزید بتایا کہ انتخابات کے نتیجے میں کینیڈا کی تاریخ کی طویل ترین اقلیتی حکومت کا اختتام ہو جائے گا۔

واضح رہے کہ 14 مارچ کو کینیڈا کی حکمران جماعت لبرل پارٹی کے رہنما مارک کارنی نے ملک کے 24ویں وزیراعظم کے عہدے کا حلف اٹھایا تھا۔

جسٹن ٹروڈو نے جنوری میں مہنگائی اور امریکا کے ساتھ تجارتی جنگ کی دھمکیوں پر دباؤ پر وزیر اعظم کے عہدے مستعفی ہونے کا اعلان کیا تھا۔