ملک میں موسم خشک اور گرم رہے گا ، کئی شہروں میں بارش متوقع

محکمہ موسمیات نے اسلام آباد سمیت مختلف شہروں میں موسم خشک اور گرم رہنے اور کئی مقامات پر بارش کا امکان ظاہر کیا ہے۔

محکمہ موسمیات کا کہنا ہے کہ اسلام آباد کے علاوہ پنجاب ، سندھ اور بلوچستان کے بیشتر اضلاع میں موسم گرم اور خشک رہے گا۔

یہ بھی پڑھیں : سٹاک ایکسچینج میں کاروبار کا مثبت آغاز ، ڈالر بھی سستا

دوسری جانب مری، گلیات اور گرد ونوا ح میں مطلع جزوی ابر آلود رہنے کا امکان ہے جبکہ باجوڑ، مہمند ، خیبر، چترال، دیر ، سوات ، کوہستان اور کرم میں گرج چمک کے ساتھ بارش کی پیشگوئی کی ہے۔

محکمہ موسمیات کا کہنا ہے کہ گلگت بلتستان میں بھی چند مقامات پر بارش ہو سکتی ہے جبکہ آزاد کشمیر میں مطلع جزوی ابر آلود رہنے کا امکان ہے۔