فخر زمان اور صائم ایوب کے آنے اور پی ایس ایل کے بعد اچھی ٹی ٹوئنٹی ٹیم بن جائے گی، عاقب جاوید

پاکستان ٹیم کے عبوری ہیڈ کوچ عاقب جاوید نے کہا ہے کہ فخر زمان اور صائم ایوب کے آنے اور پی ایس ایل کے بعد اچھی ٹی ٹوئنٹی ٹیم بن جائے گی۔

نیوزی لینڈ میں میڈیا سے بات کرتے ہوئے انہوں نے کہا کہ ون ڈے ٹیم ٹی ٹوئنٹی سے بہتر ہے اس لیے اچھے نتائج دے گی۔

بھارتی کپتان روہت شرما کا انگلینڈ کے خلاف ٹیسٹ سیریز سے متعلق بڑا فیصلہ

ان کا کہنا تھا کہ ون ڈے ٹیم محمد رضوان، بابراعظم اور تجربہ کار بائولرز کی وجہ سے بہتر ہے۔ انہوں نے کہا کہ آسٹریلیا اور جنوبی افریقہ کی سیریز کی طرح بائولنگ فرینڈلی پچز پر فاسٹ بائولرز کامیاب ہوں گے۔

انہوں نے کہا کہ حارث رئوف نے ان پچز پر خود کو ثابت کیا ہے۔ عبوری ہیڈ کوچ نے کہا کہ ٹی ٹوئنٹی سیریز کے لئے نیوزی لینڈ میں کنڈیشنز بہت چیلنجنگ تھیں، انہوں نے امید ظاہر کی کہ ٹی ٹوئنٹی کے یہی کھلاڑی برصغیر کی پچز پر بہترین ہوں گے۔