ملک میں شوال کا چاند نظر آگیا، جس کے بعد کل عیدالفطر منائے جائے گی۔
مرکزی رویت ہلال کمیٹی کا اجلاس وزارت مذہبی امور کے مرکزی دفتر کوہسار بلاک میں ہوا، کوہسار بلاک کی چھت پر جدید دوربین نصب کی گئی۔ اجلاس کی صدارت چیئرمین کمیٹی مولانا عبدالخبیر آزاد نے کی۔ اجلاس کے بعد پریس کانفرنس کرتے ہوئے مولانا عبدالخبیر آزاد کا کہنا تھا کہ پاکستان کے مختلف مقامات سے شوال المکرم کا چاند نظر آنے کی شہادتیں موصول ہوئیں۔
انہوں نے اعلان کیا کہ اتفاق رائے سے فیصلہ کیا گیا، یکم شوال المکرم 1446 ہجری 31 مارچ بروزسوموار کو ہوگی۔ پورے ملک سے براہ راست مرکزی رویت ہلال کمیٹی کو کال موصول ہوئیں اور شہریوں نے چاند کی تصاویر اور ویڈیوز بھی مرکزی رویت ہلال کمیٹی کو واٹس اپ کیں۔
دوسری جانب محکمہ موسمیات نے آج ملک میں شوال کا چاند نظر آنے کا امکان ظاہر کیا تھا۔
By 
