سابق خاتون اول بشریٰ بی بی اور خاور مانیکا کے بیٹے موسیٰ مانیکا شادی کے بندھن میں بندھ گئے۔
نجی ٹی وی کے مطابق بشریٰ بی بی اور خاور مانیکا کے بیٹے موسیٰ مانیکا کی شادی کی تقریب لاہور میں منعقد ہوئی جس میں قریبی رشتہ داروں نے شرکت کی۔ فیملی ذرائع کا بتانا ہے کہ موسیٰ مانیکا کی شادی لاہور میں بیدیاں روڈ پر خاور مانیکا کے فارم ہاؤس میں ہوئی۔
تقریب میں ایم این اے میاں احمد رضا مانیکا، ایم پی اے میاں فاروق مانیکا، میاں آصف مانیکا، سابق ایم پی اے دیوان عظمت سید محمد چشتی بھی شریک ہوئے۔ شادی تقریب میں محدود افراد کو دعوت دی گئی تھی۔