ایس آئی ایف سی کی سہولت کاری سے آئی ٹی خدمات کی برآمدات میں نمایاں اضافہ

ایس آئی ایف سی کی سہولت کاری سے آئی ٹی خدمات کی برآمدات میں نمایاں اضافہ ہوا ، ایس آئی ایف سی کے تعاون سے پاکستان کی خدمات کی برآمدات میں 6 فیصد اضافہ، 8 ماہ میں 5.4 ارب ڈالر کا زرمبادلہ حاصل  ہوا ہے ۔

آئی ٹی، کمپیوٹر اور ٹیلی کام خدمات کی برآمدات میں 25 فیصد اضافہ، برآمدات 2.4 ارب ڈالر تک پہنچ گئیں  ، آئی ٹی خدمات کی برآمدات میں مسلسل اضافہ جاری ہے جبکہ  صرف فروری میں 709 ملین ڈالر کی برآمدات ریکارڈکی گئیں۔

ایس آئی ایف سی کی سہولت کاری سے دیگر بزنس سروسز کی برآمدات 1.4 فیصد اضافے سے 1.07 ارب ڈالرتک پہنچی ، جس سے عالمی مارکیٹ کے اعتماد میں اضافہ ہوا ، خدمات کی برآمدات میں اضافے سے زرمبادلہ کے ذخائر میں بہتری اور کرنٹ اکاؤنٹ خسارے میں کمی کا امکا ن ہے ۔

یہ بھی پڑھیں : جب تک سیاست میں نفاق رہے گا ملک ترقی نہیں کر سکتا ، شاہد خاقان عباسی

حکومت کا اگلے پانچ سال میں 15 ارب ڈالر کا آئی ٹی برآمداتی ہدف ہے،  حالیہ اضافے سے حصول کی راہ ہموارہوگی جبکہ عالمی مارکیٹ میں پاکستانی آئی ٹی خدمات کی مانگ میں اضافہ ہوگا، فری لانسرز اور اسٹارٹ اپس کیلئے نئے مواقع پیدا ہونگے ۔

ایس آئی ایف سی کی معاونت سے آئی ٹی خدمات کی برآمدات میں بہتری پاکستان کی معیشت کے ڈیجیٹل مستقبل کی نوید، معاشی استحکام کی ضامن ہے ۔