عمران خان کی رہائی کب ممکن ؟ شبلی فراز نے بتادیا

پاکستان تحریک انصاف کے سینئر رہنما شبلی فراز نے بانی پی ٹی آئی عمران خان کی رہائی سے متعلق گفتگو کرتے ہوئے کہا ہے کہ ان کی رہائی اسی وقت ہی ممکن ہوگی جبکہ یہ فیصلہ کر لیا جائے کہ ہم نے اس ملک کو اگے لے جانا ہے۔

جوڈیشل کمپلیکس اسلام آباد کے باہر  میڈیا سے گفتگو کرتے ہوئے ان کاکہنا تھا کہ  جوڈیشل کمپلیکس حملہ کیس سیاسی کیس ہے  جس کا نہ سر ہے نہ پیر،  بس ویسے ہی ہمیں مصروف رکھنے کے لیے یہ کیا گیا ہے، ساری دنیا اور  پاکستان کو پتہ ہے کہ بانی پی آئی عمران خان کو سیاسی بنیاد پہ قید کیا گیا ہے۔

شبلی فراز نے کہا کہ اور ان کی رہائی اسی وقت ہی ممکن ہوگی جبکہ یہ فیصلہ کر لیا جائے کہ ہم نے اس ملک کو اگے لے جانا ہے، ہم نے اس ملک کو ترقی دینی ہے، ہم نے اس ملک کو اکٹھا رکھنا ہے۔

یہ بھی پڑھیں : محکمہ موسمیات کی ملک کے مختلف مقامات پر گرج چمک کے ساتھ بارش کی پیشگوئی

رہنما تحریک انصاف  کا کہنا تھا کہ  ہم نے انے والی نسلوں کے لیے ایک مثبت پاکستان چھوڑ کے جانا ہے، یہ حکمران ٹولہ جس دن یہ فیصلہ کر دے گا کہ ہم نے یہ کرنا ہے تو بانی پی ٹی آئی رہا ہو جائیں گے۔

انہوں  نے کہا کہ بجلی کی قیمتوں میں کمی  ویسے ہی جھوٹ موٹ میں خوش رکھنے کی ایک ناکام کوشش ہے، اس معاملے کو  ہم پارلیمنٹ میں اٹھائیں گے اور ان کو ایکسپوز کریں گے۔