حکومت پنجاب نے صوفی شاعر حضرت شاہ حسینؒ کے سالانہ عرس ’میلہ چراغاں‘ کے موقع پر 12 اپریل بروز ہفتہ لاہور میں عام تعطیل کا اعلان کر دیا۔
سروسز اینڈ جنرل ایڈمنسٹریشن ڈیپارٹمنٹ (S&GAD) کی جانب سے جاری کردہ نوٹیفکیشن کے مطابق لاہور ضلع کے تمام سرکاری دفاتر اور ادارے 12اپریل بروز سوموار بند رہیں گے تاکہ شہری آسانی سے اس روایتی روحانی میلے میں شرکت کر سکیں۔
نوٹیفکیشن میں یہ وضاحت بھی کی گئی کہ یہ تعطیل صرف لاہور ضلع میں لاگو ہو گی اور تمام ذیلی دفاتر بھی اس میں شامل ہوں گے۔ تاہم پنجاب سول سیکرٹریٹ، اس سے وابستہ محکمے اور علاقائی دفاتر اس تعطیل سے مستثنیٰ ہوں گے۔
میلہ چراغاں جسےروشنیوں کا میلہ بھی کہا جاتا ہے، حضرت شاہ حسینؒ کے عرس کے موقع پر شالامار باغ کے قریب ان کے مزار پر منعقد ہوتا ہے۔ حضرت شاہ حسینؒ 16ویں صدی کے مشہور پنجابی صوفی شاعر تھے اور یہ میلہ ہر سال ہزاروں زائرین کی شرکت سے سجتا ہے۔
یہ روحانی اور ثقافتی میلہ کئی دنوں تک جاری رہتا ہے، جس میں صوفیانہ موسیقی، شاعری اور روایتی رسومات پیش کی جاتی ہیں، جو لاہور کی ثقافتی ورثے اور روحانیت کا عکاس ہیں۔
By 
