پنجاب میں سرکاری و نجی سکولوں کے اساتذہ کیلئے ڈریس کوڈ کی نئی ہدایات جاری کر دی گئی ہیں۔
محکمہ سکولز ایجوکیشن کی جانب سے جاری اعلامیے کے مطابق فی میل ٹیچرز کے لیے شلوار قمیض، دوپٹہ لازمی قراردیدیا گیا۔ جبکہ میل ٹیچرز کے لیے جینزاور ٹی شرٹ پہننے پر پابندی عائدکر دی گئی۔
محکمہ سکولز ایجوکیشن نے پنجاب کے تمام سرکاری و نجی سکولز میں سکول دورانیہ میں نماز ظہر کے انتظامات کرنے کی ہدایت کی اور ٹیچرز کے لیے بھی ڈریس کوڈ کے متعلق ہدایات جاری کردیں۔
واضح رہے کہ اس سے قبل محکمہ تعلیم سندھ نے سکولوں میں اساتذہ کیلئے کوڈ آف کنڈکٹ جاری کیا تھا، جس میں محکمہ تعلیم نے کہا تھا کہ خواتین اساتذہ زیادہ میک اپ سے اجتناب برتیں اور مرد اساتذہ ٹی شرٹ اور جینز پہن کر اسکول آنے سے گریز کریں۔
By 
