لاہور میں گرمی سے درجہ حرارت 40 ڈگری تک پہنچنے کا امکان، بارش کب ہوگی؟

لاہور سمیت پنجاب بھر میں خشک موسم کا سلسلہ جاری ہے جبکہ گرمی کی شدت میں بھی  بتدریج اضافہ ہورہا  ہے۔

پنجاب میں دن کی طرح رات میں بھی درجہ حرارت بڑھنے لگا ہے، محکمہ موسمیات کے مطابق لاہور میں کم سے کم درجہ حرارت 23 ڈگری تک پہنچ گیا جبکہ زیادہ سے زیادہ 40 ڈگری تک جانے کے امکانات ہیں۔

محکمہ موسمیات کاکہنا ہے کہ کل سے 11 اپریل کے درمیان لاہور اور پنجاب کے بعض اضلاع میں بادلوں کا سسٹم داخل ہوگا۔

یہ بھی پڑھیں : 36 ہزار مقدمات 4 ماہ میں کیسے مکمل ہوں گے ؟ شیخ رشید احمد

محکمہ موسمیات کا کہنا ہے کہ کم ہواؤں کے بادلوں کا سسٹم پنجاب میں داخل ہونے سے ہلکی بارش کے امکانات ہیں ، لاہور اور پنجاب کے بعض اضلاع میں ہلکی بارش سے گرمی کی شدت میں قدر کمی آنے کے امکانات ہیں۔