ترقی پذیر ایشیائی خطہ امریکی ٹیرف سے سب سے زیادہ متاثر ہونے کا خدشہ

پاکستان ترقی پذیر ایشیائی خطے میں  امریکی ٹیرف کی زد میں آنے والا 14 واں بڑا ملک ہوگا۔ جنوبی ایشیائی  خطے میں پاکستان امریکی ٹیرف کی فہرست میں تیسرے نمبر پر شامل ہے۔

ایشیائی ترقیاتی بینک  نے امریکی ٹیرف کے ایشیائی ممالک پر ممکنہ اثرات کے بارے میں تجزیاتی رپورٹ جاری کردی ۔ ایشین ڈویلپمنٹ بینک  کی رپورٹ کے مطابق پاکستان پر امریکی انتظامیہ نے 29 فیصد ٹیرف عائد کیا ہے۔

یہ  بھی پڑھیں :ٹرمپ ٹیرف کے باعث پاکستان اسٹاک میں شدید مندی، 100 انڈیکس میں 3882 پوائنٹس کی کمی

سری لنکا کی مصنوعات پر 44 فیصد، بنگلہ دیش پر 37 فیصد ٹیرف عائد کیا گیا ۔ رپورٹ کے مطابق بھارت پر26 فیصد، افغانستان ، مالدیپ، نیپال اور بھوٹان پر شرح 10 فیصد عائد کیا گیاہے۔

خطے میں سب سے زیادہ ٹیرف کمبوڈیا پر 49 فیصد عائد کیا گیاہے ،اے ڈی بی کی رپورٹ کے مطابق سب سے زیادہ ٹیرف والے دنیا کے 10 ممالک میں سے 5 کا تعلق ایشیا سے ہے ۔

یہ بھی پڑھیں : ٹرمپ کا نیا ٹیرف، پاکستان میں ایپل آئی فون کی قیمت تین گنا تک بڑھنے کا امکان

تانبہ، ادویات، سیمی کنڈکٹرز، لکڑی کی اشیاء کو اضافی ٹیرف سے مستثنی قرار دیا گیاہے ۔ توانائی کی مصنوعات اور ادویات پر بھی اضافی امریکی ٹیرف لگنے کا خدشہ ہے۔

یہ اضافی ٹیرف یا محصولات پہلے سے عائد کردہ ٹیکس کے علاوہ ہونگے۔ اے ڈی بی کی رپورٹ کے مطابق امریکی ٹیرف کا مقصد تجارتی خسارہ کم کرناہے اس سے دیگر معیشتیں متاثر ہونگی