بھارتی فضائیہ کے طیارے گرنا معمول بن گیا، ایک اور بھارتی لڑاکا طیارہ گر کر تباہ

بھارتی فضائیہ کے طیارے گرنا معمول بن گیا، ایک اور بھارتی لڑاکا طیارہ گر کر تباہ ہو گیا۔

بھارتی ذرائع کے مطابق لڑاکا طیارہ ضلع گجرات کے علاقے جام نگر میں گر کر تباہ ہوا، ابتدائی اطلاعات کے مطابق طیارہ تکنیکی خرابی کے باعث گر کر تباہ ہوا۔

یہ پہلا واقعہ نہیں، بھارتی فضائیہ کے طیارے گرنا روزمرہ کا معمول بن چکا ہے، 2 اپریل 2025 کو بھی بھارتی فضائیہ کا سنگل انجن والا طیارہ تکنیکی وجوہات کی بنا پر مہسانہ شہر کے قریب اُچارپی گاؤں میں گر کر تباہ ہوگیا تھا۔

عمران خان نیم رضا مند، علی امین گنڈاپور اور بیرسٹر سیف کو اسٹیبلشمنٹ سے مذاکرات کا ٹاسک مل گیا

صرف یہی نہیں گزشتہ ماہ بھی بھارتی فضائیہ کے ایک دن میں دو طیارے گر کر تباہ ہوگئے جن میں لڑاکا طیارہ جیگوار شامل تھا، نومبر 2024 میں بھی، MiG-29 لڑاکا طیارہ آگرہ، اتر پردیش کے قریب گر کر تباہ ہوا

دفاعی ماہرین کا کہنا ہے کہ؛ “طیارہ حادثات بھارتی فضائیہ کی آپریشنل تیاریوں اور حفاظتی معیار پر سنگین سوالات ہیں”، مودی کی ناقص پالیسیوں کی وجہ سے بھارت کا دفاعی نظام کھوکھلا ہو چکا ہے۔

دفاعی ماہرین کا کہنا ہے کہ مودی سرکار کی ناکام پالیسیوں اور کرپشن کے سبب بھارتی فضائیہ ہر گزرتے دن کے ساتھ زوال پذیر ہو رہی ہے، مودی سرکار کے دفاع میں بہتری کے وعدے صرف زبانی جمع خرچ کے سوا کچھ نہیں۔