نواز شریف لندن پہنچ گئے، ایون فیلڈ کے باہر ن لیگ اور پی ٹی آئی کارکن آمنے سامنے

سابق وزیراعظم اورصدر ن لیگ نواز شریف لندن پہنچ گئے ہیں۔

اس موقع پر ایون فیلڈ کے باہر ن لیگ اور پی ٹی آئی کے کارکن آمنے سامنے آئے، دونوں پارٹیوں کے کارکنوں نے ایک دوسرے کے خلاف نعرے بازی کی۔

لندن ایون فیلڈ کے باہر آرمی چیف اور پاک فوج کے حق میں نعرے لگ گئے

لندن پولیس کی بھاری نفری ایون فیلڈ کے باہر موجود رہی، جو پی ٹی آئی کے کارکنان کو حراست میں لے کر اپنے ساتھ لے گئی ہے۔ پی ٹی آئی کا اہم کارکن گلفام بھی گرفتار کر لیا گیا۔

نواز شریف کے ایون فیلڈ پہنچنے پر ن لیگ کے رہنماؤں اور کارکنوں نے ان سے ملاقات کی۔