وفاقی وزیر علی پرویز ملک نے کہا کہ ملک میں مہنگائی میں کمی ہورہی ہے، پیٹرولیم مصنوعات کی قیمتوں کیلئے وزیراعظم کیساتھ مشاورت کریں گے۔
تفصیلات کے مطابق میڈیا سے گفتگو کرتے ہوئے وفاقی وزیر علی پرویز ملک کا کہنا ہے کہ آج ملک میں وہ جماعت موجود ہے جس نے امن اور ترقی کی بنیاد رکھی، آج وہ جماعت موجود نہیں جس نے ریاست کی جڑیں کمزور کرنے کی کوشش کی، ہم اتحاد کیساتھ پاکستان سے نفرتوں کو مٹائیں گے۔
علی پرویز ملک نے کہا کہ ملک کو مضبوط کرنے کیلئے دن رات محنت کر رہے ہیں، دن رات محنت کے ثمرات بھی عوام تک پہنچ رہے ہیں، ملک میں مہنگائی میں کمی ہورہی ہے۔ موجودہ حکومت ملک کی ترقی کیلئے کوشاں ہے۔
وفاقی وزیر نے مزید کہا کہ وزیراعظم شہباز شریف کی قیادت میں ملک ترقی کی راہ پر گامزن ہے ، پیٹرولیم مصنوعات کی قیمتوں کیلئے وزیراعظم کیساتھ مشاورت کریں گے۔تمام وسائل عوامی فلاح کے منصوبوں پر خرچ کریں گے۔ ایک ایک روپیہ اس قوم کا اس حکومت پر امانت ہے، شہباز شریف نے 7روپے سے زیادہ بجلی کی قیمت میں کمی کا وعدہ پورا کیا۔
By 
