وفاقی حکومت نے رواں سال گندم کی خریداری نہ کرنے کا فیصلہ کیا ہے۔
قومی اسمبلی میں وفاقی وزیر غذائی تحفظ رانا تنویر حسین نے تحریری رپورٹ میں کہا کہ آئی ایم ایف معاہدے پر عملداری کی وجہ سے وفاقی حکومت گندم نہیں خریدے گی۔
انہوں نے کہا کہ 2025 میں ہونے والی پیداوار سال 26-2025 میں گندم کی ملکی ضروریات پورا کرنے کیلئے کافی ہے۔ ان کا کہنا تھا کہ مارکیٹ کی طلب کو مدنظر رکھ کر گندم درآمد یا برآمد کرنے کے بارے میں فیصلہ کیا جائے گا۔
وفاقی وزیر کا کہنا تھا کہ وزیراعظم کی سربراہی میں کابینہ کمیٹی برائے ضروری اجناس بھی تشکیل دے دی گئی ہے، کابینہ کمیٹی برائے ضروری اجناس کے اب تک نائب وزیراعظم کی صدارت میں دو اجلاس ہو چکے ہیں۔
By 
