امریکا نے چین پر عائد ٹیرف کی شرح 145 فیصد سے بڑھا کر 245 فیصد کرنے کی تیاری کرلی ہے۔
بین الاقوامی میڈیا کا کہنا ہے کہ چین پر ٹیرف کی نئی شرح وائٹ ہاؤس کی فیکٹ شیٹ میں سامنے آئی ہے۔ چینی وزارت خارجہ کے ترجمان نے ردعمل دیتے ہوئے کہا کہ بہتر ہوگا کہ امریکہ سے ہی پوچھ لیا جائے کہ وہ آخر چین پر کتنا ٹیرف لگانا چاہتا ہے۔
چینی وزارت خارجہ کے ترجمان نے کہا کہ ٹیرف وار امریکہ نے شروع کی، بیجنگ نے صرف اپنے حقوق کے تحفظ کیلئے اقدامات کیے ہیں۔
واضح رہے کہ امریکہ چین کو تنہا کرنے کے لیے ٹیرف مذاکرات کو استعمال کرنے کا ارادہ رکھتا ہے۔ امریکی میڈیا رپورٹس میں کہا گیا ہے کہ 70 سے زائد ممالک سے کہا جائے گا کہ وہ چین کو اپنے علاقوں کے راستے سامان کی ترسیل کی اجازت نہ دیں۔
By 
