دوسری مرتبہ ہے، ہمیں اڈیالہ سے اٹھاتے ہیں اور موٹروے پر چھوڑ دیتے ہیں، علیمہ خان

بانی پاکستان تحریک انصاف عمران خان کی بہن علیمہ خان کا کہنا ہے کہ دوسری مرتبہ ایسا ہوا ہے ہمیں اڈیالہ سے اٹھاتے ہیں اور موٹروے پر چھوڑ دیتے ہیں۔

تفصیلات کے مطابق راولپنڈی موٹروے پر رہائی کے بعد گفتگو کرتے ہوئے عمران خان کی بہن علیمہ خان نے کہا کہ پچھلی مرتبہ ایک ہوٹل میں بیٹھے تھے، آج بلڈنگ میں بیٹھے تھے پولیس ہمارے پیچھے آئی۔

علیمہ خان نے کہا کہ پہلے ہمیں ایک ریسٹورنٹ میں بٹھا دیا اور اب موٹروے پر چھوڑ دیا، ہم تین بہنیں گھر سے آئی ہیں، دونوں اپوزیشن لیڈر کو بھی اٹھا لیا۔

بانی پی ٹی آئی کی بہن نے کہا کہ آپ ہمارا مذاق اڑا رہے ہیں، ہمیں نہیں فکر، یہ عدالتوں کی توہین ہو رہی ہے، سپریم کورٹ کے چیف جسٹس کا پیغام جاتا ہے جیل انتظامیہ اس کو کچھ نہیں سمجھتی۔