9مئی ہنگامہ آرائی کیس، عمر ایوب اور زرتاج گل 10مئی کو دوبارہ عدالت طلب

9 مئی ہنگامہ آرائی توڑ پھوڑ، جلائو گھیراؤ مقدمہ میں عمر ایوب اور زرتاج گل کو انسداد دہشت گردی عدالت نے10 مئی2025 کو دوبارہ طلب کر لیا۔

اے ٹی سی عدالت نے نو مئی مقدمہ میں تحریک انصاف کے دونوں رہنما ؤں عمر ایوب اور زرتاج گل کے خلاف درخواست ضمانت قبل از گرفتاری کی سماعت کی۔ زرتاج گل عدالت پیش ہوئیں جبکہ عمر ایوب عدالت حاضر نہ ہو سکے ۔

یہ بھی پڑھیں:پارٹی میں اختلافات اپنی جگہ، بانی عمران خان کی ہر بات ہمارے لیے فائنل ہوتی ہے:عمر ایوب 

زرتاج گل کی طرف سے درخواست ضمانت واپس لے کر ایک نئی درخواست ضمانت دائر کر دی گئی ۔اس موقع پرعمر ایوب کے وکیل نے کورٹ پیشی پرکہا کہ عمر ایوب بیماری کی وجہ سےعدالت پیش نہیں ہو سکتے ۔

یہ بھی پڑھیں:جتنے مرضی کیسز درج کرنے ہیں کر لیں ، بانی پی ٹی آئی کا ساتھ نہیں چھوڑیں گے : زرتاج گل

جس پرعدالت نے ان کی حاضری سے استثنیٰ کی درخواست منظور کر لی۔بعد ازاں انسداد دہشتگردی عدالت گوجرانوالہ نے سماعت 10 مئی تک ملتوی کرتے ہوئے دونوں رہنماؤں کو دوبارہ طلب کر لیا۔