مشتاق احمد نے راولا کوٹ جانے کا فیصلہ ترک کر دیا ، جلد ہی واپس اسلام اباد روانہ ہوں گے ، ذرائع حکومت آزاد کشمیر

 ذرائع کے مطابق یہ فیصلہ عوام کی عدم شرکت اورکشمیری عوام کی جانب سے احتجاج کی کال کو مسترد کئے جانے کے بعد کیا گیا، جس کے بعد کالعدم تنظیم نے مجبورا مجوزہ احتجاجی پروگرام منسوخ کرنے کا اعلان کیا۔

کالعدم عوامی ایکشن کمیٹی کے ریاست مخالف بیانے کے بعد باشعور اور غیور کشمیریوں نے انتشاری کمیٹی کی احتجاج کی کال کو مسترد کردیا جس کے بعد  کالعدم کمیٹی نے یہ فیصلہ کیا کہ 9 محرم کو مظفرآباد احتجاج کی کال واپس لی جائے۔

یہ بھی پڑھیں:عالمی مارکیٹ میں تیل کی قیمتیں مزید گر گئیں،اس ہفتہ پیٹرول و ڈیزل سستا ہونے کا امکان

  ذرائع کے مطابق کالعدم عوامی ایکشن کمیٹی کے ریاست اور اداروں کے خلاف بیانات کے بعد مقامی سطح پر شہریوں نے اس احتجاجی کال سے لاتعلقی اختیار کی، جس کے باعث انتشار پسندوں کو احتجاجی پروگرام عملی طور پر غیر مؤثر ہوتا دکھائی دیا۔

  ذرائع کا کہنا ہے کہ احتجاج کی تیاریوں کے باوجود شہریوں کی بڑی تعداد نے اس کال کا حصہ بننے سے گریز کیا اور انتشار اور تشدد کی سیاست کو مسترد کردیا، جس کے باعث صورتحال غیر مؤثر رہی۔

کالعدم عوامی ایکشن کمیٹی کی طرف سے موجودہ حالات اور عوامی عدم دلچسپی کو مدنظر رکھتے ہوئے اور احتجاج کھٹائی میں پڑتا ہوا دیکھ کر احتجاجی شیڈول واپس لینا پڑا  ہے۔

انتظامیہ کی جانب سے کسی بھی ناخوشگوار صورتحال سے بچنے کے لیے سیکیورٹی انتظامات پہلے ہی مکمل کر لیے گئے تھے، تاہم احتجاج کے باضابطہ طور پر نہ ہونے کے بعد صورتحال پرامن رہی،عوامی حلقوں نے بھی احتجاج کی منسوخی کو معمول کی صورتحال قرار دیتے ہوئے اطمینان کا اظہار کیا ہے۔