بھارت ہمیں جذبے میں مات نہیں دے سکتا، مشیروزیر اعظم برائے سیاسی امور رانا ثناءاللہ

وزیر اعظم کے مشیر برائے سیاسی امور و سابق وفاقی وزیر رانا ثناءاللہ نے کہا ہے کہ بھارت ہمیں جذبے میں مات نہیں دے سکتا۔

نجی ٹی وی چینل میں میزبان کے ساتھ گفتگو کے دوران رانا ثناءاللہ کا کہنا تھا کہ اس وقت ملک کی تمام سیاسی پارٹیاں مسلح افواج کے ساتھ کھڑی ہیں۔

یہ بھی پڑھیں:پاکستان نے پہلگام معاملے پر عالمی برادری سے 6 سوالات کر دیے

جنگ جیسی صورت حال کے زیر امکانات ہیں اگر بھارت کی طرف سے حملہ ہوا بھی تو میزائل کی صورت میں کر سکتا ہے ،انڈیا جیسا کرے گا اس کو ویسا ہی جواب ملے گا ۔

انہوں نے کہا کہ ہماری ایئرفورس بہت زیادہ پروفیشنل ہے، ٹیکنالوجی میں بھی ہم ہندوستان سےپیچھےنہیں ہیں۔

یہ بھی پڑھیں: بھارت پاکستان کیخلاف جتنی طاقت استعمال کرے گا ہم اس سے زیادہ طاقتور جواب دیں گے، وزیر دفاع خواجہ آصف

ایک اور سوال کے جواب میں ان کا کہنا تھا کہ میاں محمدنوازشریف وزیراعظم میاں محمد شہباز شریف اور وزیر اعلیٰ پنجاب مریم نواز کو حکومت چلانے کے حوالے سے گائیڈ کرتے ہیں۔

رانا ثناء اللہ کا عمران خان کے متعلق سوال کے جواب میں کہنا تھا کہ بانی پی ٹی ٓئی 2011سےمذاکرات کرنے کو تیار نہیں، ہم کیا کر سکتے ہیں،

یہ بھی پڑھیں:ہم سیسہ پلائی دیوار کی طرح افواجِ پاکستان کیساتھ کھڑے ہیں، وزیراعلیٰ مریم نواز

اے پی سی میں پاکستان تحریک انصاف کو بھی لایا جائے گا، اگرتحریک انصاف کہے گی تو بانی کو بھی لایا جا سکتا ہے۔