بھارت کی پہلگام حملے کو جواز بنا کر خطے میں جنگی ماحول پیدا کرنے کی سازش

بھارت نے پہلگام حملے کو جواز بنا کر خطے میں جنگی ماحول پیدا کرنے کی سازش شروع کردی، بھارتی میڈیا بھی مودی سرکار کا آلہ کار بن گیا ۔

بھارتی چینل ٹائمز ناؤ کے مطابق مودی نے افواج کو کسی بھی وقت، کسی بھی ہدف کو نشانہ بنانے کی مکمل آزادی دے دی، بھارتی کابینہ کی سیکیورٹی کمیٹی کے مسلسل اجلاس جاری ہیں ، ان اجلاسوں میں پاکستان کے خلاف فوری اور اسٹریٹیجک اقدامات پر مشاورت کی جارہی ہے ۔

ٹائمز ناؤ کی رپورٹ میں کہا گیا ہے کہ بھارت نے سندھ طاس معاہدے کو معطل کر کے پانی کو بطور ہتھیار استعمال کرنے کی کھلی دھمکی دی ہے ، بھارتی کی جانب سے نفرت انگیز پالیسیوں کا تسلسل جاری ہے اور پاکستان کے شہریوں کو ملک بدر کرنے اور سفارتی تعلقات محدود کرنے کا فیصلہ کرلیا گیا ہے ۔

بھارتی نشریاتی ادارے کی جانب سے دعویٰ کیا ہے کہ بھارت کی جانب سے دوبارہ سرجیکل اسٹرائیک یا بالا کوٹ جیسے حملے کی منصوبہ بندی کررہا ہے ،  بھارتی فوج، فضائیہ اور بحریہ کو مکمل تیار باشی کا حکم دیدیا گیا جس سے ایک اور مسلح تصادم کا خدشہ بڑھ گیا۔

ذرائع  کے مطابق بھارت دہشتگردی کے جھوٹے بیانیے کو بنیاد بنا کر پاکستان پر الزام تراشی کرکے عالمی برادری کو گمراہ کرنے کی کوشش کررہا ہے ، سیٹلائٹ تصاویر کے ذریعے دریا خشک ہونے کی بھارتی پروپیگنڈہ مہم جاری ہے اور  بھارت پانی کی قلت کو سیاسی ہتھیار بنارہا ہے۔

یہ بھی پڑھیں : پہلگام فالس فلیگ آپریشن: بھارتی سکیورٹی پر سوالات اٹھنے لگے ، بھارتی من گھڑت بیانیہ زمین بوس

ذرائع  کے مطابق بھارتی وزراء کا جنگی بیانیہ، خود ساختہ خطرہ بنا کر عوامی توجہ اصل مسائل سے ہٹائی جا رہی ہے، مودی حکومت کی جارحانہ سوچ نے پورے خطے کو خطرے میں ڈال دیا، امن کی ہر کوشش سبوتاژ کرنے کا منصوبہ تیار ہے ۔

بھارتی میڈیا پر پاکستان کو مٹی میں ملا دینے کی کھلم کھلا دھمکیاں دی جارہی ہیں ، بھارت ہے جنگ کیلئے تیار، بھارتی میڈیا پاکستان کیخلاف آپریشن بدلہ شروع ہوجانے کا بھی دعویٰ کررہاہے ۔

بھارت کی جنگی تیاریوں پر پاکستان حکومت اور افواج نے کسی بھی صورتحال سے نمٹنے کی تیاری مکمل کر لی ، بھارت کی پاکستان دشمن پالیسیوں پر عالمی طاقتیں خاموش، کیا دنیا نئی جنگ کی طرف بڑھ رہی ہے؟۔