وزیراعظم نےبجلی کی خریداری پر 10سالہ منصوبہ کی منظوری دیدی:وفاقی وزیر توانائی اویس لغاری

وفاقی وزیر توانائی اویس لغاری نے کہا کہ وزیراعظم میاں محمد شہباز شریف نےبجلی کی خریداری پر 10سالہ منصوبہ کی منظوری دے دی ۔

انہوں نے کہا کہ نئی منصوبہ بندی کے تحت صارفین کو 4 ہزار 743 ارب روپے کی خالص بچت ہو گی، 10 سال میں حکومت نے جو 14 ہزار میگاواٹ سے زائد بجلی کی خریداری کی تھی اس میں سے 7 ہزار میگاواٹ مہنگی بجلی خریدنے کا عمل منسوخ دیا گیا ۔

یہ بھی پڑھیں:پاکستان اسٹاک ایکسچینج میں تیزی ، 2900 سے زائد پوائنٹس کا اضافہ

اویس لغاری نے کہا کہ حکومت نے دو اصولی فیصلے کئے ہیں ایک یہ کہ آئندہ کوئی حکومت براہ راست بجلی نہیں خریدے گی، آئندہ حکومتیں سنگل بائر ماڈل کو ختم کرکے بولی کی بنیاد پر بجلی خریدیں گی۔

یہ بھی پڑھیں:’’کیا اسپورٹیج‘‘ کی قیمتوں میں لاکھوں روپے کمی

انہوں نے کہا کہ دوسرا بجلی کے مستقبل میں لگنے والے پلانٹس کا طریقہ کار تبدیل کر دیا گیا ہے جس کے تحت صارفین کو 2 ہزار 790 ارب روپے کا بھاری فائدہ ہو گا، یہ اقدامات آئی پی پیز کے ساتھ معاہدوں پر نظرثانی سے زیادہ اہم ہیں۔