اسلام آباد سمیت ملک کے مختلف علاقوں میں تیز ہوائوں کے ساتھ بارش اور ژالہ باری کی پیشگوئی

محکمہ موسمیات نے اسلام آباد سمیت ملک کے مختلف علاقوں میں تیز ہوائوں کے ساتھ بارش اور ژالہ باری کی پیشگوئی کر دی۔

محکمہ موسمیات کے مطابق اسلام آباد میں مطلع جزوی طور پر ابر آلود رہے گا جبکہ بعض مقامات پر بارش اور ژالہ باری ہونے کی توقع ہے۔

مریم نواز کا شاندار پروگرام: ‘اپنی زمین اپنا گھر اسکیم ‘ کی رجسٹریشن شروع، اہلیت کا معیار اور درخواست کا طریقہ کار جاری

خیبرپختونخوا اور پنجاب کے مختلف علاقوں میں تیز ہوائوں  کے ساتھ بارش اور کہیں کہیں ژالہ باری کا بھی امکان ہے۔ پنجاب کے بیشتر علاقوں میں آندھی اور گرج چمک کے ساتھ بارش ہونے کی بھی توقع ہے۔

کشمیر اور گلگت بلتستان میں بھی تیز ہواؤں، گرج چمک اور بارش کا امکان ہے،  سندھ اور بلوچستان کے اضلاع میں گرمی کی شدت میں اضافے کا امکان ہے۔