پی ٹی آئی نے وزیراعظم کی مذاکرات کی پیشکش کو قبول کر لیا

پی ٹی آئی نے وزیراعظم شہباز شریف کی مذاکرات کی پیشکش کو قبول کر لیا۔

قومی اسمبلی میں چیئرمین پی ٹی آ ئی بیرسٹر گوہر نے کہا کہ پی ٹی آئی کو دیوار کے ساتھ لگایا گیا، پاکستان ہم سب کا ہے، ملک کا سب سے بڑا لیڈر بانی پی ٹی آئی ہیں۔

بیرسٹر گوہر نے کہا کہ اختلافات کو دشمنی اور نفرت میں نہیں بدلنا چاہئے، وزیراعظم کی بات چیت کی آفر کو خوش آمدید کہتا ہوں۔

مغربی ہوائوں کا نیا سلسلہ، ملک کے مختلف علاقوں میں 6 دن وقفے وقفے سے بارشیں ہونے کا امکان

انہوں نے کہاکہ ہمارا موقف یہی ہے کہ سیاسی ایشوز کا سیاسی حل بھی ڈھونڈا جائے، عمران خان جو بھی ہدایت دیں گے ایوان تک پہنچائیں گے۔

بیرسٹر گوہر نے کہاکہ اس ایوان میں سیاست خاموش ہے اور دونوں طرف قوم دشمن کے خلاف متحد ہے، وقت ثابت کرے گا کہ رات کی تاریکی میں حملہ بھارت کی غلطی ہے۔