پاکستان کسی بھی صورت میں اپنی سرحدوں کا تحفظ یقینی بنائے گا:وفاقی وزیر رانا تنویر حسین

وفاقی وزیر قومی غذائی تحفظ و تحقیق رانا تنویر حسین کا کہنا ہے کہ ہندوستان ہماری امن کی خواہش کو ہر گزکمزوری نہ سمجھے۔

رانا تنویر سے سینیٹر پرویز رشید کی ملاقات ، جس کے دوران دونوں میں پاکستان اور بھارت کے درمیان حالیہ کشیدگی پر تبادلہ خیال کیا گیا۔ رانا تنویر نے بھارت کے ہاتھوں مرید کے میں مسجد پر حملے کی بزدلانہ کارروائی کی شدید الفاظ میں مذمت کرتے ہوئے کہا کہ پاک فوج نے فوری طور پر جوابی کارروائی کی اور دشمن کو منہ توڑ جواب دیا ۔

یہ بھی پڑھیں:بھارت کی جارحیت کا منہ توڑ جواب دینے کے سوا کوئی چارہ نہیں بچا : عرفان صدیقی

انہوں نے واضح کیا کہ اگر بھارت نے آئندہ کسی بھی چالاکی کا مظاہرہ کرنے کی کوشش کی تو پاکستان کی طرف سے اس کو بھر پور جواب د یا جائے گا کہ دنیا اسے یاد ہمیشہ رکھے گی۔ رانا تنویر حسین نے پاکستان کی مسلح افواج پر فخر کا اظہار کیا اور کہا کہ پاکستان کو اپنے دفاع کا پورا حق حاصل ہے اور وہ کسی بھی صورت میں اپنی سرحدوں کا تحفظ ہر حال میں یقینی بنائے گا۔

یہ بھی پڑھیں:کراچی کے جناح انٹرنیشنل ایئرپورٹ پر فلائٹ آپریشن فوری طور پر بحال

اس مشکل وقت میں پوری قوم پا ک فوج کے ساتھ شانہ بشانہ کھڑی ہے اور سیاسی و فوجی قیادت ایک پیج پر ہے۔ وفاقی وزیر نے واضح کیا کہ قومی دفاع پر کوئی سمجھوتہ نہیں کیا جائے گا اور سرحدوں کی حفاظت کے لئے ہر ممکن اقدامات اٹھا ئے جائیں گے ۔