پاکستان کا جوابی سائبر وار، بی جے پی سمیت متعدد بھارتی ویب سائٹس ہیک

پاکستان کی جانب سے سائبر محاذ پر جوابی کارروائی کرتے ہوئے بھارتی ویب سائٹس پر بڑا حملہ کیا گیا ہے، جس میں درجنوں اہم سرکاری اور نجی ویب سائٹس ہیک کر لی گئی ہیں۔

ذرائع کے مطابق یہ حملہ ایک منظم اور مربوط سائبر آپریشن کا حصہ ہے۔ہیکنگ کا نشانہ بننے والی اہم ویب سائٹس میں بھارتی حکمران جماعت بی جے پی کی آفیشل ویب سائٹ، کرائم ریسرچ انویسٹی گیشن ایجنسی، مہا نگر ٹیلی کمیونیکیشن کمپنی لمیٹڈ، بھارت ارتھ موورز لمیٹڈ، اور آل انڈیا نیول ٹیکنیکل سپروائزری اسٹاف ایسوسی ایشن شامل ہیں۔ ان ویب سائٹس کا مکمل ڈیٹا مٹا دیا گیا ہے۔

اس کے علاوہ ہندوستان ایروناٹکس لمیٹڈ، بارڈر سیکیورٹی فورسز (BSF)، اور یونیک آئیڈینٹیفیکیشن اتھارٹی آف انڈیا (UIDAI) کا ڈیٹا لیک کیا گیا ہے۔ ڈیٹا لیک ہونے والی دیگر ویب سائٹس میں انڈین ایئرفورس اور مہاراشٹر الیکشن کمیشن بھی شامل ہیں۔

ذرائع نے مزید انکشاف کیا ہے کہ اس سائبر حملے میں بھارت بھر میں نصب 2500 سے زائد سرویلنس کیمرے بھی ہیک کر لیے گئے ہیں۔

ذرائع نے مزید بتایا کہ پاکستان سائبر اٹیک ٹیم نے بھارتی الیکٹرسٹی ٹرانسمیشن کمپنی لمیٹڈ پر سائبرحملہ کرتے ہوئے مہاراشٹرا سٹیٹ الیکٹرسٹی ٹرانسمیشن کمپنی لمیٹڈ کو ہیک کر لیا ہے، جس کے نیتجے میں میں بجلی مکمل طور پر بند ہو گئی ہے ۔ حملے کے نتیجے میں مہاراشٹر سٹیٹ کے تمام کمرشل اور ڈومیسٹک میٹرز کا ریکارڈ اڑا دیا گیاہے۔