پی ایس ایل انتظامیہ نے فرنچائزز کو غیر ملکی کھلاڑیوں کو دبئی میں روکنے کا کہہ دیا

پی ایس ایل انتظامیہ نے فرنچائزز کو غیر ملکی کھلاڑیوں کو دبئی میں روکنے کا کہہ دیا۔

نجی ٹی وی نے ذرائع کے حوالے سے بتایا کہ پاکستان سپر لیگ کی انتظامیہ نے پی ایس ایل فرنچائزز سے رابطہ کرکے پیغام دیا۔

ذرائع کے مطابق پاک بھارت سیز فائر کے اعلان کے بعد پی ایس ایل منیجمنٹ نے فرنچائزز سے رابطہ کیا۔ فرنچائزز سے مقامی کھلاڑیوں کو بھی ذہنی طور پر تیار رہنے کا کہہ دیا گیا اور پیغام میں کہا گیا  ہے کہ ممکن ہے کہ پی ایس ایل کیلئے اسلام آباد اکٹھا ہونا پڑے۔

پاکستان سپر لیگ کی انتظامیہ نے ہوم ورک کا آغاز کر دیا ہے اور بقیہ میچز راولپنڈی اسٹیڈیم میں ہی کرانے کی کوششیں کی جا رہی ہیں۔