حج پروازیں شیڈول کے مطابق سعودی عرب روانہ ہوں گی، وزارت مذہبی امور

ترجمان وزارت مذہبی امور کا کہنا ہے کہ پاکستان کی فضائی حدود ہر قسم کی پروازوں کیلئے مکمل بحال کردی گئی۔

وزارت کے مطابق حج پروازیں شیڈول کے مطابق سعودی عرب روانہ ہوں گی، ترجمان و زارت مذہبی امور نے کہاہے کہ فلائٹ آپریشن کی بندش کی وجہ سے مجموعی طور پر 10حج پروازیں منسوخ ہوئیں۔

پاکستانی فضائی حدود پروازوں کیلئے مکمل طور پر بحال کر دی گئی

وزارت مذ ہبی امور کے مطابق اب تک 19ہزار 669پاکستانی عازمین سعودی عرب پہنچ چکے ہیں۔واضح رہے کہ پاکستان اور بھارت کے درمیان سیز فائر کے اعلان کے بعد ملکی فضائی حدود ہر قسم کی پروازوں کیلئے مکمل طور پر کھول دی گئی ہے۔