ٹرمپ انتظامیہ کی جانب سے بھارتی شہریوں پر زمین تنگ، ملک سے نکالنے کی دھمکی دے دی

ٹرمپ انتظامیہ کی جانب سے بھارتی شہریوں پر زمین تنگ، ملک سے نکالنے کی دھمکی دے دی۔

ویزا مدت سے زیادہ قیام پر ملک بدری اور مستقل سفری پابندی کا سامنا کرنا پڑے گا، امریکہ سے غیر قانونی بھارتی شہریوں کا انخلاء جاری ہے۔

امریکی سفارتخانے نے کہا ہے کہ امریکی سرزمین پر قوانین کی خلاف ورزی برداشت نہیں کی جائے گی، اگر کوئی امریکہ میں اپنے ویزا کی مقررہ مدت سے زیادہ قیام کرتا ہے، تو اس کو ملک بدر کیا جا سکتا ہے۔

بھارت کی بزدلانہ کارروائی: پاکستان آرمی کی حمایت پر پاکستانی سوشل میڈیا اکاؤنٹس بھارت میں بلاک

امریکی سفارت خانے کی جانب سے کہا گیا کہ مستقبل میں امریکہ کا سفر کرنے پر مستقل پابندی کا سامنا بھی کرنا پڑ سکتا ہے۔

امریکہ میں 7.25 لاکھ بھارتی غیر قانونی طور پر مقیم ہیں، تعداد میں مسلسل اضافہ جاری ہے، 2023 میں 51,000 بھارتیوں نے امریکہ میں پناہ کی درخواست دی، گزشتہ 5 سال میں 470 فیصد اضافہ ہوا۔

مودی کے دور حکومت میں بے روزگاری خطرناک حدوں کو چھونے لگی ہے، اپریل 2025 میں شرح 5.1 فیصد تک جا پہنچی ہے، شہری علاقوں میں بے روزگاری 6.5 فیصد ہے، نوجوان سب سے زیادہ متاثر ہیں۔

معاشی بدحالی اور بے روزگاری کے باعث بھارتی شہریوں کی امریکہ ہجرت میں خطرناک حد تک اضافہ ہوا ہے۔