پاکستان ریلویز کا عید الاضحیٰ کے موقع پر 5 خصوصی ٹرینیں چلانے کا اعلان

پاکستان ریلویز نے عید الاضحیٰ کے دوران 2 جون سے 4 جون تک مسافروں کی سہولت کے لیے 5 خصوصی ٹرینیں چلائے جانے کا اعلان کیا ہے۔

یہ بھی پڑھیں:حکومت کا عیدالفطر پرریل کے کرایوں میں بڑے ریلیف کا اعلان،خصوصی ٹرینیں بھی چلائی جائیں گی

پہلی اسپیشل ٹرین 2 جون کو دوپہر ایک بجے کراچی کینٹ سے لاہور کے لیے روانہ ہوگی۔ دوسری ٹرین 3 جون کو صبح 10 بجے کوئٹہ سے پشاور کینٹ کے لیے روانہ ہوگی۔

تیسری اسپیشل ٹرین 3 جون کو شام 5 بجے لاہور سے کراچی کینٹ کے لیے روانہ ہوگی۔ چوتھی ٹرین 3 جون کو رات 8 بجے کراچی سٹی سے راولپنڈی کے لیے روانہ ہوگی۔

مزید پڑھیں:پاکستان ریلوے کا بے نظیر بھٹو کی برسی پر خصوصی ٹرین چلانے کا فیصلہ

پانچویں اور آخری اسپیشل ٹرین 4 جون کو رات 8 بجے کراچی کینٹ سے لاہور کے لیے روانہ ہوگی۔ پہلی، دوسری اور چوتھی ٹرینوں کے لیے بوگیاں ورکشاپس سے فراہم کی جائیں گی جبکہ تیسری اور پانچویں ٹرین میں موجودہ عید اسپیشل ٹرین ریکس استعمال کیے جائیں گے۔

اس اقدام کا مقصد عوام کو سہولت فراہم کرنا، ہجوم کو کم کرنا اور تعطیلات کے موسم کے دوران محفوظ سفر کو یقینی بنانا ہے۔