متحدہ عرب امارات میں پاکستانی سفارتخانے نےشہریوں کو بیرون ملک جعلی ملازمتوں کی آفرز سے خبردار کر دیا

یواےای میں پاکستانی سفارت خانے نے ایک سخت ایڈوائزری جاری کی ہے جس میں شہریوں پر زور دیا گیا ہے کہ وہ آن لائن ملازمت کے اشتہارات کا جواب دیتے وقت انتہائی محتاط رہیں۔

، تفصیلات کے مطابق متحدہ عرب امارات میں پاکستانی سفارت خانے نے ایک سخت اٰدوائزری جاری کی ہے  اور پاکستان میں موجود شہریوں سے استدعا کی گئی ہے کہ وہ آن لائن ملازمت کے اشتہارات  کا جواب دینے میں انتہائی محتاط رہیں۔

یو اے ای میں پاکستانی سفارت خانے نے واضح کیا کہ خاص طور پر وہ آن  لائن ملازمتیں جو متحدہ عرب امارات سے باہر نوکری کے لیے پیشکش کر رہے ہوں۔

ایک سوشل میڈیا پوسٹ میں، سفارتخانے نے متنبہ کیا کہ حال ہی میں متعدد افراد بیرون ملک روزگار کی اسکیموں کا دھوکا دہی کا شکار ہوئے ہیں جس سے سنگین پیچیدگیاں پیدا ہوئی ہیں۔

مشن نے گمراہ ہونے سے بچنے کے لیے متحدہ عرب امارات سے باہر ملازمت کی تمام پیشکشوں کی سرکاری اور قابل اعتماد ذرائع سے تصدیق کرنے کی اہمیت پر زور دیا۔