سرکاری ملازمین کو 30 مئی تک تنخواہ اور پنشن دینے کا فیصلہ

پشاور: خیبرپختونخوا حکومت نے عیدالاضحیٰ سے قبل سرکاری ملازمین کی سہولت کو مدنظر رکھتے ہوئے 30 مئی 2025 تک تنخواہیں اور پنشن ادا کرنے کا فیصلہ کر لیا ہے۔

اس سلسلے میں محکمہ خزانہ نے تمام سرکاری اداروں کو مراسلہ ارسال کر دیا ہے، جس میں ہدایت کی گئی ہے کہ تنخواہوں کی ادائیگی آخری ورکنگ ڈے یعنی 30 مئی کو یقینی بنائی جائے، کیونکہ یکم جون کو اتوار کی چھٹی ہے۔

صوبائی حکومت کا یہ اقدام ملازمین کو عید کی تیاریوں میں آسانی فراہم کرنے کے لیے کیا گیا ہے، اور اس فیصلے کو خوش آئند قرار دیا جا رہا ہے۔

ادھر وفاقی بجٹ 2025-26 کی تیاری کے سلسلے میں پاکستان اور آئی ایم ایف کے درمیان مذاکرات مکمل ہو چکے ہیں۔ وزارت خزانہ کے ذرائع کے مطابق حکومت نے تنخواہ دار طبقے اور صنعتوں پر ٹیکس کی شرح کم کرنے کے ساتھ ساتھ ترقیاتی اور غیر ترقیاتی اخراجات محدود کرنے کی تجاویز بھی آئی ایم ایف کے ساتھ شیئر کر دی ہیں۔

یہ بھی پڑھیں: بیک وقت پنشن اور تنخواہ لینے والے سرکاری ملازمین کو اب ایک تنخواہ لینی ہوگی ، میمورنڈم جاری