By پاکستان سپرلیگ (پی ایس ایل) سیزن 10 کے فائنل مقابلے میں لاہور قلندرز نے سنسنی خیز مقابلے کے بعد کوئٹہ گلیڈی ایٹرز کو 6 وکٹوں سے شکست دیکر تیسری بار ٹائٹل اپنے نام کر لیا ۔
لاہور قلندرز نے گلیڈی ایٹرز کی جانب سے دیا گیا 202 رنز ہدف آخری اوور میں 4وکٹوں کے نقصان پر پورا کیا، کوشال پریرا 62 رنز اور سکندر رضا 18 رنز کے ساتھ ناقابل شکست واپس لوٹے۔
لاہور قلندرز کی جانب سے اننگز کا آغاز فخر زمان اور محمد نعیم نے انتہائی محتاط انداز سے کیا تاہم 39 کے مجموعی سکور پر فخر زمان 11 رنز پر ایل بی ڈبلیو آؤٹ ہو کر پویلیں لوٹ گئے، محمد نعیم نے 46 ،عبداللہ شفیق نے41راجہ پا کسے 14 رنز بناکر میدان بدر ہوئے۔
کوئٹہ گلیڈی ایٹرز کی جانب سے محمد عامر، فہیم اشرف اور ابرار احمد نے 1،1 وکٹ حاصل کی۔ قبل ازیں قذافی اسٹیڈیم لاہور میں ہونے والے ایونٹ کے فائنل معرکے میں کوئٹہ گلیڈی ایٹرز کے کپتان سعود شکیل نے لاہور قلندرز کے خلاف ٹاس جیت کر پہلے بیٹنگ کرنے کا فیصلہ کیا۔
کوئٹہ گلیڈی ایٹرز نے پہلے بلے بازی کرتے ہوئے مقررہ 20 اوورز میں 9 وکٹوں کے نقصان پر 201 رنز بنائے۔ کوئٹہ گلیڈی ایٹرز کی جانب سے اننگز کا آغاز سعود شکیل اور فن الین نے کیا، تاہم 17 کے مجموعی سکور پر کپتان سعود شکیل صرف 4 رنز بناکر شاہین شاہ آفریدی کو وکٹ دے بیٹھے جبکہ فن الین 12 رنز بناکر سلمان مرزا کی گیند پر چلتے بنے، رلی روسو 22 رنز، اویشکا فرنانڈو 29 رنز بناکر آؤٹ ہو گئے۔
حسن نواز نےشاندار بیٹنگ کا مظاہرہ کرتے ہوئے ٹیم کے مجموعی اسکور کو آگے بڑھایا اور 76 رنز بناکر آؤٹ ہوئے، دنیش چندیمال 22، فہیم اشرف 28 رنز جبکہ محمد عامر اور ابرار احمد بغیر کوئی رن بنائےوکٹیں گنوا بیٹھے۔ لاہور قلندرز کی جانب سے شاہین شاہ آفریدی نے 3، عثمان مرزا اور حارث رؤف نے 2، 2 جبکہ سکندر رضا اور راشد حسین نے ایک ایک وکٹ حاصل کی۔
