پی آئی اے کی خریداری میں صرف 4کمپنیوں کی دلچسپی، قائمہ کمیٹی اجلاس میں انکشاف

قائمہ کمیٹی اجلاس میں انکشاف ہوا ہے کہ انٹرنیشنل ائیر لائن کی خریداری میں ابھی تک 4 کمپنیوں نےاظہار دلچسپی ظاہر کیا۔

تفصیلات کے مطابق سیکرٹری نجکاری کمیشن عثمان باجوہ نے کہا ہے کہ 19 جون تک پی آئی اے کی خریداری کیلئے 5 سے 6 کمپنیوں کی اظہار دلچسپی کے لیے درخواست مل سکتی ہیں ، قومی ائیرلائن کی نجکاری اسی سال کے دوران کی جائے گی، پی آئی اے کی خریداری میں مقامی کمپنیوں کے ساتھ عالمی کمپنیاں کنسورشیم بنا رہی ہیں۔

فاروق ستار کی زیرصدارت قومی اسمبلی کی قائمہ کمیٹی برائے نجکاری اجلاس میں نجکاری کمیشن حکام کا گفتگو کرتے ہوئے کہنا تھا کہ گزشتہ دنوں سکیورٹی صورتحال کشیدہ ہونے کے باعث اظہار دلچسپی کی تاریخ میں توسیع کی۔

مزید پڑھیں: تہران: آرمی چیف فیلڈ مارشل جنرل عاصم منیر سے ایرانی مسلح افواج کے چیف کی ملاقات

سیکرٹری پی آئی اے کا کہنا تھا کہ خریداری کیلئے سابقہ کمپنیاں نے بھی اظہار دلچسپی کی درخواست دی ہے، جون میں حیسکو اور پیسکو کی نجکاری کیلئے فنانشل ایڈوائزر تعیناتی کیے جائیں گے۔

سیکرٹری نجکاری عثمان باجوہ کا مزید کہنا تھا کہ بجلی تقسیم کار کمپنیوں کی نجکاری وزارت توانائی اور عالمی کی مشاورت سے ہو گی جبکہ ممبر کمیٹی ذوالفقار علی نے کہا کہ ہم کسی صورت پیسکو کی نجکاری نہیں ہونے دیں گے بھلے پورا ملک بیچ دیں مگر پیسکو نہیں۔